Tamil Nadu-ah zu dawr 500 khar

Tamil Nadu sorkar chuan nimin khan sorkar hnuai zu zawrhna dawr 500 te a khar

Chief Minister J Jayalalithaa-i thupek angin Tamil Nadu State Marketing Corporation Ltd (Tasmac) hnuaia zu dawr 500 te chu khar an ni. Kumin Assembly inthlan neih dawna a campaign-naah, Jaya-i hian an state-ah a tahtawla zu dawr khar a nih tur thu a sawi a, CM atana lakluh a nih rualin May 23 khan zu dawr kharna tur thupek hi a ziak fel nghal a ni. A thawh khatna atan zu dawr 500 hi khar an ni ta a ni.

State sorkar chuan zu dawr an khar tir taka thawktute chu dawr dangah sawn kual turin Tasmac official-te a hriatir. Tasmac managing director, R Kirlosh Kumar chuan zu dawr khar takte hi Madurai-ah dawr 201, Tiruchi-ah 133, Coimbatore-ah 60, Chennai-ah 58 leh Salem-ah dawr 48 a nih thu a sawi.