Coal worker-te'n nawrh an titawp

Coal worker trade union-te'n ram pum huapa nawrh an huaihawt chu sorkar nen inremna an siam theih tak avangin Nilaini zan khan an titawp.

Trade union hian ni nga awh tur nawrh an huaihawt a, mahse ni hnih an nawrh hnuah an titawp ta a ni. He nawrh hi ramchhunga trade union lian panga-te'n an zawm a, coal worker nuai nga vel an nawrh vang hian coal industry in a sum hloh hi cheng vaibelchhe 300 vel a tling a ni.

Indian National Mineworkers' Federation (INTUC) President Ra­jendra Singh chuan sorkar lam aiawh nena an inbiakna chu a hlawhtling hle tih sawiin, hnathawktute harsatna leh thil phutte ngaihtuahtu tur committee din a ni ang, a ti.