UN Department hotu atan Indian diplomat ruat a ni

United Nations (UN) Secretary General Ban Ki-moon chuan UN Department of Field Support hotu atan Indian diplomat Atul Khare a ruat a, Indian official zingah UN body-a chanvo chelh sang thei ber a ni ang.

Kum 55 mi, Khare hian Under-Secretary-General for Field Support, Department of Field Support (DFS) ṭanglai, Bangladesh mi Ameerah Haq a thlak ang.

A hnathawh ṭhat avanga award eng emaw zat lo dawng tawh, Khare chuan UN hotuin khawvela boruak muanawm leh ngelnghet a awm theihna tura a hmalakna kawnga thawhpui chu a nghakhlel tawh hle tih a sawi.

UN-a Permanent Mission of India pawhin chanvo pawimawh tak chelh tura Khare ruat a ni chu lawm­awm an tih thu sawiin, a mawhphurhna chu ṭha tak a hlen­chhuah ngei an rin thu an tarlang.

India mi, UN-a dinhmun sang chelhtu dang chu Secretary-General’s Special Adviser on Myanmar Vijay Nambiar a ni a, he hna hi kumm 2010 aṭang khan a lo chelh tawh a ni.

High Commission of India, London-a The Nehru Centre and Minister (Culture) Director hlui, Atul Khare hian kum 1984 khan Indian Foreign Service zawmin, Paris, Dakar, Port Louis leh London-ahte a lo thawk tawh a ni. Kum 1997-2001 khan UN-a Permanent Mission of India-ah a thawk tawh bawk.