Delhi police-ten puak thei thil an man
Delhi Police Special Cell chuan IS firfiak an man, Mustaqeem thu an zawhfiahnaa a thusawi bawhzuiin nimin khan puak thei thil ṭhahnem tak an man.
Kar liam ta Zirtawpni zan khan Dhaula Kuan leh Karol Bagh inkar, Ridge Road-a inkahna a thlen hnuah Delhi police-te hian Mustaqeem, Abu Yusuf tia sawi bawk hi an man a ni. Mustaqeem hi Uttgar Pradesh-a Balrampur khaw mi a ni a, police-te chuan Delhi-a mipui punkhawm tamna hmunah pawikhawihna thlen a tum tih an sawi.
Mustaqeem hnen aṭang hian police-te chuan pressure cooker-a improvised Explosive Devices (IED) pahnih, kg 15 ve ve dah an man a, pistol pawh an mansak bawk. Special cell-a DCP PS Kushwah chuan ISIS thawhpui Mustaqeem chuan August 15 khan Delhi-ah bomb tihpuah a lo tum tawh a, mahse security a ṭhat em avangin a ti thei ta lo tih a sawi.