Sunanda Puskhar awmpui thu zawhfiah a ni

Union Minister hlui, Shashi Tharoor-a nupui, Sunanda Pushkar thih dan chhuina kal mekah, nimin khan Delhi Police-te'n a awmpuinu, Narain Singh thu an zawtfiah.

Narain chuan Sunanda hian a thih hma ni hnih, January 15 khan a awmna, Delhi-a Hotel Leela Palace-ah mi pakhat a awmpui thu a sawi a, he pa hian a tweet-naah pawh puiin, message ṭhenkhatte a copy niin a sawi. Hemi hnu hian Sunanda chuan Tharoor hi bia-in, media hnenah engkim a hrilh tawh avangin Tharoor-a tan engkim a tawp tawh tih a hrilh niin a sawi bawk. Police-te chuan Narain Singh-a hi darkar nga dawn thu an zawt a ni.

Narain Singh chuan Sunanda hian a room-a thia hmuh a nih ni, January 17 khan Tharoor-a'n official residence-a chawl turin a hrilh niin a sawi a, hei bakah press conference a neihna tura a hak tur kawr var la turin a hrilh bawk niin a sawi. Mahse a hnu lawkah Puskhar-i thian, 'Sunil' inti chu hotel-ah hian a kal tih a sawi bawk. Shashi Tharoor hian zan dar 8 velah an hotel room hi a thleng a, a nupui room chu chhung lamah a inkalh avangin police leh hotel staff-te an ko a, Sunanda Pushkar hi a khumah thia hmuh a ni ta a ni.