Pakistan court-in Lakhvi bail dilna a phalsak

Kum 2008-a Pakis­tan firfiakte'n Mumbai khawpui an beihnaa a ruahmantu ber zingah puh, Lashkar-e-Taiba commander Zaki-ur-Rehman Lakhvi-a'n mi rukbo thubuai a neih meka bail a chhuah a dilna chu Pakistan lower court chuan a phalsak. Mahse thubuai dang a neih avangin jail-ah a la tang chhunzawm zel dawn a ni.

Tun thla tir lama High Court-in mi rukbo chung­changa Lakhvi hrenna a tihtawpsak chu Pakistan Supreme Court chuan a lo hnawlsak tawh a, High Court-in bail-a chhuah a phalsakna hi Pakistan sorkarin Supreme Court-ah a khing let a ni.

Kum ruk kalta khan Afghan mi, Thallan Sye­dan chu Islamabad-ah chin hriat lohin a bo a, a makpa Muhammad Daud-a'n FIR a thehluhah inrukbonaah hian Lakhvi hi a inhnamhnawihah a puh a ni.