VHP hotu Sadhvi Prachi-in Hindu hmeichhiate fuih ve leh

BJP MP Maskhi Maharaj-a'n Hindu sakhua chawivul leh humhalh zel a nih theihna turin Hindu hmeichhiate chu a tlem berah fa pali tal nei turin a lo fuih tawh a, hemi hnu hian Vishwa Hindu Parishad (VHP) hotu chuan fali pali nei turin a fuih ve leh.

Nimina Bhilwara-a 'Virat Hindu' conclave neihah VHP hotu, Sadhvi Prachi-i chuan thu sawiin, "Hindu hmeichhiate chuan fa pali tal an neih a ngai a ni," a ti. An fa pali zinga pakhat chu ram venghimtu tur a ni a, pakhat chu Hindu puithiam tana hlanin, a pathumna chu VHP tan, a pali-na chu Indian culture venghim tura thawktu atan tiin a sawi.