Karnataka Cabinet siksawi duh lotuten buaina chawk chhuak

Karnataka-a sorkar lai Congress party chuan a Cabinet minister te a siksawi a, minister thar 13 awmin, mi pakua te chu cabinet rank pek an ni a, midang pali te chu state minister (independent charge) pek an ni.

Karnataka-ah hian Congress party hian kum thum chhung ro a rel tawh a, cabinet hi siksawi a ni ta a ni. Cabinet siksawi duhlohna lantir hian hmun hrang hrangah mipui an pung khawm a, hmun
ṭhenkhatah silai hmehpuah a ni. Lungawi lote hian tharum thawhna thlen zuiin, lirthei hal a nih bakah, congress party office beih a ni bawk. Buaina karah hian MLA 13 te hi rinawmna thu tiamtirin Raj Bhavan Bengaluru-ah lawmluh an ni a, minister atan puan zui nghal an ni. Chief mi≠nister leh Congress high command te chet danah hian mi tam tak chu lung≠awi loin, cabinet siksawi chu an dodal a ni. Chief minister Siddaramaiah chuan, "Cabinet minister atana lakluh thar te nen hian hun reilo te chhung meeting neih nghal a ni a, an party chhunga buaina awm anga sawi chu thubelh chian dawl lo a ni. MLA te chu a mal malin titipui ka tum a, cabinet minister siksawi chu Congress party ṭhatna tur zawka tih a ni" a ti.

Minister thar atana lakluh zingah hian mi thar enge maw zat an awm tih sawiin, chona thar a ni a, state sorkar hmel chu anni te nen ṭang≠ho hian kan thlak dawn a ni Siddaramaiah chuan a ti bawk. M Krishnappa chu Cabinet siksawi duhlotu zingah telin, ministerial probables list-ah telh ni mase, Pathianni zing khan a inhnuk dawk a ni. Lung≠awi lohna lantirtute hi Hosahalli Metro station-ah kalin tyre eng emaw zat an hal a, hun rei vak lo chhung chu traffic lamin a buai phah a ni.

Cabinet Minister thar te chu

ν Kagodu Thimmappa (Sagara, Shivamogga)

ν Ramesh Kumar (Srinivasapura, Kolar)

ν Basavaraja Rayareddi (Yelburga, Koppal)

ν HY Meti (Bagalkot)

ν Tanveer Sait (Narasimharaja, Mysuru)

ν SS Mallikarjun (Davanagere)

ν MR Seetharam (MLC)

ν Santosh Lad (Kalaghatagi, Dharwad)

ν Ramesh Jarakiholi (Gokak, Belagavi)