An fanu hmuh laiin pasalin a nupui that

Pathianni zing khan Maharashtra-a Jalna khuaah Ashok Lakhanlal Sura chuan a nupui kum 25 mi chu an fanu kum hnih mi lek hmuh laiin a that a, a hnuah amah hi police kutah a inpe zui nghal.

Ashok Lakhanlal Sura chuan a nupui Pooja (25) zawk hian kut a thlak ṭhin a, mawi lo takin a khawih ṭhin niin a sawi. Kum ruk chhung an innei tawh a, fanu kum nga mi leh kum hnih mi an nei a ni. Police te chuan an chenna hmun Paraipura-a Maratha building chu an enfiah nghal a ni. An in awmna hi police station te chuan enfiahin, a nupui ruang hi thisen nena hmuh a ni. A ruang hi Jalna damdawi-inah phurh nghal a ni a, enfiah mek a ni.

Police station aṭanga hla lo te niin, Old Mondh-a wholesale dawr chu an chhungkaw eibel ber a ni.

Police sub-inspector Jaisingh Ma≠dansingh Pardeshi chuan, "Pawi khawihna a thlen lai hian TV chu ring tak chhuah a ni a, Lakhanlal Sura hian a nupui hi a ka hnawhsakin a au chhuak thei lo a ni. Nasa takin a pasalin a sawisak lai hian Pooja hian amah inven nan a bei let a, an thawm hria an awm lo nia hriat a ni" a ti. He thil thlen hnu hian, an fanu kum hnih mi lek chu a pi bulah kalin, a nu chu thisen nasa takin a bual tih an hrilh a, an va en chuan Pooja hi a lo thi fel tawh a, police te pawh an thleng ve nghal a ni. He thil thleng chungchangah hian Sadar Bazar Police station-ah thubuai ziahluh nghal a ni a, pawikhawitu Ashok Lakhanlal Sura hi man nghal a ni.