NSG Meet-ah India member nih tum hi Agenda a ni lo: China

China chuan India-in Nuclear Suppliers Group member ni tura a beihna chu Seoul-a Nuclear Suppliers' Group (NSG) meet neih tura agenda a nih loh thu a sawi.

India chuan NSG member ni tur hian nasa takin a campaign mek a, tun hnai khan India Foreign minister Sushma Swaraj chuan China hi tlawhin member ni tura a beihna thlawp tur hian a sawm rin a ni. He tih lai hian China chuan tun kara Seoul-a meet neih turah Nuclear Suppliers' Group (NSG)-ah India member a nih dawn leh dawn loh chu agenda a nih loh thu a sawi.

Foreign Minister Sushma Swaraj chuan, "India-in NSG member ni tura a beihna chu thu mai a la ni" a ti. Nuclear Suppliers' Group-ah hian ram hrang hrang 48 zet an awm mek a, India chuan member ni ve turin hun rei tak a bei tawh a, China chuan India hi a dodal zel thung. NSG member ramte hian khawvel hmun hrang hrangah nuclear material leh technology hmanga sum dawn phalna an nei a ni.

China Foreign ministry spokesperson Hua Chunying chuan,"Seoul-a NSG meeting neih turah hian member nih leh nih loh chungchang hi kan rel tur a ni lo" tiin India-in NSG member ni tura a beihna chu a thlawp lo tih peh hel takin a sawi. Hetihlai hian India chuan NSG ni tura a beihnaah hlawhtlinna a hmuh a beisei thu sawiin, China foreign Secretary leh S Jaishankar, India Foreign Minister inbiakna chuan rah
ṭha a chhuahn a rin thu a sawi. Ms Swaraj pawhin, India chu kumin chhung ngeiin NSG member a nih a beisei thu sawiin, China chuan India NSG member a nih theih nan an a thlawp niin a sawi ve bawk.