Congress Working Committee meeting ṭan a ni

Congress Working Com­mittee meeting chu nimin khan New Delhi-ah ṭan a ni.

Meeting hi chawhma dar 10.30 ah All India Congress Committee (AICC) headquarters 24, Akbar Road-ah ṭanin, party President Sonia Gandhi-in a kaihruai a ni.

CWC hian ramchhung­a an party hmalak dan tur te, Delhi assembly inthlan neih tura an campaign dan turte an sawiho ang. Party vice-president Rahul Gandhi-a chungchangah pawh thutlukna pawimawh tak an siam rin a ni.

Report ṭhenkhat chuan Rahul Gandhi hi party president-ah dah a ni dawn tih an tarlang a, hei hi party hruaitu eng emaw zatin an phut vang a ni. Mahse party lam thuchhuak chuan hetiang thil hi engmah a awm lo tih an sawi thung.

An party chungchang thu bakah, ramchhung politics dinhmun te pawh an sawiho dawn bawk. Prime Minister Narendra Modi-a kaihhruai, NDA sorkarin dan a siam hrang hrangte pawh an sawiho ang.