ISRO hotu thar atan A.S.Kiran Kumar
Indian Space Research Organisation (ISRO) leh Space Mission Chairman thar leh, Department of Space Secretary thar atan A.S.Kiran Kumar ruat a ni
Ministry of Personnel & Public Grievances hnuaia Appointments Committee of the Cabinet, Department of Personnel & Training chuan order tichhuakin, Space Application Centre, Ahmedabad Director nilai Kiran Kumar chu organisation hotu hna, kum thum chhung chelh tura ruat a ni tih a tarlang.
Kumar hi nikum September 24-a hlawhtling taka Mars Orbiter Mission kalpui a nih theihna kawnga tha thawhtu pawimawh tak a ni a, Airborne, LEO leh GEO platform atana Electro-Optical Imaging Sensors design leh siamna kawngah pawh a thlawh hlawk hle.
Padma Shri Award pawh lo dawng tawh, Kiran Kumar hian kum 1975 khan ISRO a zawm a, Indian space programme hrang hrangah mi ṭangkai tak a ni. Kum 1971 khan National College, Bangalore University aṭangin Physics (Honours) Degree a la a, 1973-ah Bangalore University aṭangin Electronics-ah Master Degree a hmu a, 1975 khan Indian Institute of Science (Bangalore) aṭangin Physical Engineering-ah M.Tech Degree a la leh bawk.