Vbch nuai 21 man investment atan Vibrant Gujarat Summit-ah MoU 21,000 ziak

Gandhinagar-a 7th Vibrant Gujarat Summit, ni thum awh neih chu Thawhlehni khan an zo a, summit chhung hian cheng vaibelchhe nuai 21 man investment tihna tur, Memorandum of Understandings (MoU) 21,000 ziah a ni.

Tun ṭum summit-a investment tihna tura inremna ziah hi kum 2013 Summit neih ṭum a mi aiin a let zetin a tam a, hemi ṭum hian cheng vaibelchhe nuai 12 investment tihna tur, MoU 17,000 ziah a ni. Tun hnaia West Bengal Global Business Summit neiha investment tihna tura inremna an ziah aiin a let 10 chuang zetin a tam bawk.

Summit-a investment lian­tham tihna tur ziak zing­ah hian Reliance Industries, Adani Group, Aditya Birla Group, Suzlon leh Videocon bakah foreign lam aṭangin Rio Tinto, Suzuki leh CLP Holdings-te an tel.

Gujarat sorkar chuan investment ti turte'n hlawkna an neih theihna turin policy eng emaw zat a lo siam tawh a, thla reilote hnuah a dang pawh a siambelh ang. MoU ziah tawhte a taka kalpui a nih dan enfiahtu tur pawh siam a ni ang.