UPSC aṭangin CBI hotu hlui AP Singh a bang

16th January, 2015

Central Bureau of Investigation (CBI) hotu hlui, AP Singh chu Union Public Service Commission (UPSC) aṭangin a bang a, a banna hi sorkar laipuiin a pawmsak nghal. Singh hian a term hmang zo tura ni li a la neih laiin banna hi a thehlut.

President Pranab Mukherjee hnenah Singh hian banna a thehlut a, a ban chhan hriat a ni lo.

UPSC-a kum nga term chelh tura ruat a nih hma hian, Singh hi CBI-ah kum 2010-2012 chhung khan Director a ni a, 2013 khan UPSC member atan ruat a ni. Hetihlaia eptu party lian ber, BJP chuan Congress kaihhruai UPA sorkarin UPSC member atana a ruat hi na takin a dodal a, CBI director chawlte hamṭhatna pek atana ti ah sorkar laipui an puh.