Mumbai airport-ah ISIS note hmuh a ni

Mumbai, Chhatrapati Shivaji International Airport-ah Ningani zan khan Republic Day, January 26-a pawikhawihna thlenna tura vauna lehkha pahnih hmuh a ni a, lehkhaah hian Islamic State (ISIS) firfiak pawl hming ziah a ni.

Vauna lehkha hi mipa toilet pahnihah dah a ni a, hmun tifaituin hmu­chhuakin, toilet-te hi Mumbai airport Terminal A1 chhunga awm a ni.

Kar hmasa Inrinni, January 10 khan Mumbai airport chhunga bang-ah ISIS hminga beih a nih tur thu, vauna thu ziah a lo ni tawh bawk.

January 26-a Republic Day lawmna neih tur hi firfiakte'n an tihbuai venthawn thilah hmun hrang hrangah venhimna khauh taka kalpui a ni.