Chhawmdawlna tihkhawtlai vangin Omar-a'n sorkar laipui a bei

Jammu and Kashmir Chief Minister hlui, Omar Abdullah chuan nikuma an state-a tuilian rapthlak tuar, mi tam takte hnena chhawmdawlna pek tur tihkhawtlaisak an nih chungchang chu sawifiah turin sorkar laipui a phut.

Omar Abdullah hian hemi chungchang hi a Twitter-ah ziakin, ''Tunah chuan Jammu and Kashmir pawh central thuneihna hnuaiah a awm mek a ni a, heti chung hian tun­thlenga tuilian tuarte chhawmdawlna pek tur tihkhawtlai a nih chhan hi sawifiah turin ka duh che a ni," tiin a tarlang.

Omar-a kaihhruai sorkar khan sorkar laipui hnenah hian tuilian tuarte tana chhawmdawlna a dilsakah khan, tuilianin thil a tih­chhiat vanga sum hloh zat hi cheng vaibelchhe 44,000 a tling tih a hrilh a ni.

Sorkar laipui chuan state sorkarin chhawm­dawlna a dilna hi enfiah a nih thu a sawi a, mahse tuilian an tawrh aṭanga thla li hnuah pawh a chhawmdawlna tur hi pekchhuah a la ni lo.