Japan Foreign Minister a rawn zin

Japan Foreign Minister Fumio Kashida chu ni thum cham turin nimin khan Delhi a thleng. A cham chhung hian India leh Japan-in Strategic Dialogue an buatsaih chu neih a ni ang a, an thil relte hi ram pahnih Prime Minister-te'n an la thlir nawn leh ang.

External Affairs Minister Sushma Swaraj leh Japan minister Kashida-te hian ram pahnihte inlaichinna chungchangte sawidunin, nikum September thlaa Prime Minister Narendra Modi-a'n Japan a tlawh ṭuma investment tihpun an remtih tawhte pawh an sawidun leh ang.

Nikum September thla khan PM chuan Japan tlawhin, hemi ṭum hian Japan chuan kum 5 chhungin India rama development project tihna atan dollar tluklehdingawn 35 pek a lo remti a ni. Ram pahnihte hian defence leh sector pawimawh danga thawhdunna zau zawk neih an rel a, hei bakah hian defence exchange, clean energy, roads and highways, healthcare and women kaihhnawihah thawhdunna thuthlung panga an ziak bawk.