Lalu Prasad-a'n bungalow chhuahsan

Union Minister hlui Lalu Prasad chuan 25, Tughlak Road, New Delhi-a sorkar bungalow a luah chu kum 12 hnuah a chhuahsan ta. He bungalow hi Lok Sabha Deputy Speaker M Thambu Durai-a'n a luah tawh ang.

Type-VIII bungalow hi kum 2002,July thla khan Rajya Sabha member atan thlan tlin a nih hnuah Lalu Prasad luah tur hian pek a ni a, kum 2004 May thlaa Union Minister a nih khan regularize a ni. Mahse Bihar-a ranchaw man sum tam tham tak tihchingpen kaihhnawihah thiam loh chantir a, a MP nihna hlihsak a nih hnu November 2013 khan bungalow a luah theihna hi cancel sak nghal a ni.

Cabinet Committee on Accommodation chuan a bungalow luah theihna cancel sak a nih hnua kum khat dang a awm zui phalsakin, nikum October thla thleng khan hun a pe a, mahse a huntiam ral hnuah pawh a chhuahsan mai loh avangin litigation department hnenah a ṭul anga action la tura hriattir a ni a, nikum November thla khan chhuak tura hriattirna pek a ni.