Railways leh Coal India privatise tumna a awm lo: Arun Jaitley

Union Finance Minister Arun Jaitley chuan trade union 11 aiawhte nen an inkawmnaah, sorkar laipui chuan Railways leh Coal India-te private company kuta dah tumna a nei lo, a ti.

Trade Union aiawhte hian Finance Minister hi an budget wish-list te an pe a, hetah hian salaried class-a income tax awl thei chin cheng nuai 5-a bithliah tihsan leh, public sector unit hnuaia disinvestment plan tihtawp an duh thute an sawi.

Minister Jaitley chuan sorkar laipuiin hna tam zawk siam leh, mipui nawlpui tan pawh khawsak awlsam zawkna tur siam a tum tih a sawi a, organised leh unorganised sector hnuaia thawkte tana social security system ṭha zawk siam chu sorkarin a duh tih a sawi bawk.

Jaitley-a hoa meeting neihah hian Indian Trade Union (CITU), Bhartiya Mazdoor Sangh (BMS), Indian National Trade Union Congress (INTUC) bakah All-India Trade Union Congress (AITUC) aiawhte an tel.