Govt ads-a political leader-te thla dah chhan sawifiah turin phut

Central Information Com­mission (CIC) chuan sor­kar laipuiin advertisement a tihchhuahah political leader-te thlalak a dahna chhan chu sawifiah turin a phut.

RTI Act Section IV hnuaiah sorkar chuan advertisement-a political leader-te thlalak a dah chhan chu chiang takin a sawi tur a ni tiin, Information Commissioner Sridhar Acharyulu chuan he dan hi engtika hman ṭan nge a tum tih a zawt nghal.

Acharyulu chuan Delhi Assembly in­thlan neih tura political party-te'n ngawrh takin campaign an nei tawh tih sawiin, sorkar chuan political leader-te thlalak a hman chungchangah a policy kalpui dan chu mipuite hriata a puanzar emaw, advertisement emaw hmanga a hrilhfiah a ngai a ni, a ti. Sorkarin advertisement a chhuah hrang hrangte chu mipui­te chhiah pekkhawm hmang­a tihchhuah a nih avangin political leader-te thlalak hman a nih chhan chu sawifiah turin a phut.