Governor thar ruat thuai tum a ni: Rajnath Singh

Union Home Minister Rajnath Singh chuan ni 15-20 hnuah state paruka Governor thar turte chu sorkar laipuiin a ruatfel tur thu a sawi.

Minister chuan Governor 6-7 ruat thar an ni thuai dawn tih a sawi a, heng zingah hian Bihar, Punjab leh Assam Governor turte pawh an tel a ni, a ti. Bihar, Assam, Manipur, Meghalaya leh Tripura-ah Governor post a ruak mek a, Punjab Governor Shivraj Patil chu January 21 hian a term a zo tawh dawn a, January 24-ah Himachal Pradesh Governor Urmila Singh pawhin a term a hmang zo ang.

BJP kaihhruai NDA sorkar a din hnuah, sorkar laipui chuan sorkar hmasa UPA sorkara Governor atana ruatte chu bang turin a lo nawr fo tawh a, Governor eng emaw zat an bang tawh bawk. NDA sorkar hian Uttar Pradesh, West Bengal, Rajasthan, Haryana, Kerala, Maharashtra, Gujarat, Karnataka, Nagaland leh Goa Governor turte a lo ruat tawh a ni.