NITI Aayog in sorkar policy a enfiah dawn

Planning Commission thlaktu, National Institute for Transforming India (NITI) Aayog chuan ngun takin sorkar policy-te a enpui ang a, sorkar program leh hmachhawp hrang hrang kalpui a nih dante pawh a endik ṭhin tur thu Planning Minister Rao Inderjit Singh chuan a sawi.

"Hmasawnna hna thawh­na turin central Plan Expen­diture atan kumtin cheng vaibelchhe nuai 5.75 vel pek chhuah a ni a, hei vang hian heng sum hman a nih dante enfiah a ṭul a ni," a ti.

BJP kaihhruai NDA sorkar chuan kum 65-a upa, Planning Commission chu ṭhiatin a thlakna atan NITI Aayog hi a din a, Prime Minister Narendra Modi chu chairman niin, Vice-Chairman-ah economist lar tak, Columbia University Professor Arvind Panagariya chu ruat a ni.