India-ah sakei a pung

Sorkar laipui chuan nimin khan ramchhunga sakei awm zat a ti­chhuak a, sakei awm zat hi kum thum chhungin 30% in a pung.

Report-a tarlan danin kum 2010-a India rama sakei awm zat 1706 chu kuminah 2226-ah an pung a ni.

Kum 2014 chhung khan chhan hrang hrang avangin sakei 64 an thi a, heng zingah hian Tamil Nadu chu a chan nasa ber tiin National Tiger Conservation Authority chuan a tarlang.

Expert-te chuan sakei chhiarpui hnuhnung ber hi scientific technology ṭha ber hmanga neih a nih thu leh, a rintlak tawka an ngaih thu an sawi.