Censor board hotu leh member thar tur ruat

Censor Borad chariman thar atan filmmaker Pahlaj Nihalani ruat a ni a, a rualin member thar tur mi pakua ruat an ni nghal.

Sorkar laipui chuan thuchhuah siamin, Central Board of Film Certification (CBFC) chairperson atan Nihalani ruat a nih thu leh, thupek dang a awm nih loh chuan kum thum chhung he hna hi a chelh tur thu a sawi. Member thar atana ruatte hi Vani Tripathi Tikoo, filmmaker Ashoke Pandit leh Chandra Prakash Dwivedi, film writer Mihir Bhuta, Syed Abdul Bari, Ramesh Patange, actor George Baker, actor-filmmaker Jeevitha leh actor-playwrighter S Ve Shekhar-te an ni.

Nihalani hian "Aankhen", "Talaash: The Hunt Begins..." leh "Shola Aur Shabnam" film-te a lo tichhuak tawh a ni.

Kar hmasa khan Censor board chairman a nihna aṭangin Leela Samson a bang a, a ban hnuah board member-te pawhin banna an thehlut ve leh bawk.