Modi-a sorkar hnuaiah NCW-in hna a thawk thei lo: Sharma

National Commission for Women (NSW) chu Narendra Modi-a kaihhruai sorkar hnuaiah hna thawk thei loa siam a ni, tiin chairperson hlui, Mamata Sharma chuan a sawi.

A chenna ina chanchin thar lakhawmtute a kawmnaah Sharma chuan, "New Delhi-a NCW chu tunah chuan ngaihsak hlawh loin hmun rauhsan ang maiin a awm a, commission tlawhtu tur leh lo dawngsawng tu pawh an awm lo a ni," a ti.

NSW hotu a nih lai chuan commisson chuan ramchhunga hmeichhia­te thuam chakna tur te, venhimna ṭha a awmna tura hmalakna hrang hrang an siam ṭhin thu Sharma chuan a sawi. "Complain pawh nitin kan dawng a, kan complain dawnte pawh kan bawhzui nghal zel a ni," a ti. Commission chu hmeichhiate harsatna sutkian nan leh, rorelna dik tak an hmuh theihna tura ṭangkai taka an hman ṭhin thu a sawi.