Vote nei mi vaibelchhe 83 dawn an awm: CEC

Chief Election Commission (CEC) HS Bra­hma chuan January 5 thleng khan ramchhungah vote nei mi vaibelchhe 85 an awm tih a sawi.

Kum 2014 Lok Sabha inthlanpui neih aiin vote nei hi vaibelchhe 2 in an pung. Brahma chuan, "Vote nei zat hi Europe mipui zawng zawng aiin an tam tawh zawk a ni. Vaibelchhe 83 tling lo deuh mahse kum nga chhungin an tlin ngei ka ring," a ti.

Nikum January thlaa report a tihchhuahah, CEC chuan vote nei mi vaibelchhe 81 chuang an awm thu a tarlang a, heng zingah hian a ṭum khatna atana vote thlak tur mi vaibelchhe li vel an tel a ni.

Nikuma Lok Sabha inthlanpui neihah khan kum 2009 inthlanpui aiin vote nei vaibelchhe 10 velin an pung. Lok Sabha inthlanpui buatsaih hmasak ber, kum 1951-ah khan vote nei mi vaibelchhe 17.32 an awm.