Coal scam: Prime Minister hlui Mamohan Singh thusawi record

Lungalhthei laihchhuah phalna pek danah thil dik tawk lo awm chungchang chhuina kal zelah, Prime Minister hlui Manmohan Singh thusawi chu Special Central Burau of Investigation (CBI) in ti tura a tih angin record a ni.

CBI hian industralist Kumar Mangalam Birla-a company, Hindalco hnena Odisha coal block pek a nih dana thil fel lo chhuina kal zelah PM thusawi hi an la a, Hindalco hnena phalna pek a nih lai hian Manmohan Singh hi Coal ministry changtu a ni.

Official-te chuan PM hlui thusawi hi an lak thu sawi mah se, an thu lak chhan ber erawh an sawi lang lo. CBI hian kum 2013, October khan Hindalco-in Talabira coal block a neih theihna tura dik lo taka thiltia puhin, Birla leh Coal Secretary hlui, PC Parakh-te lakah thubuai a lo ziaklut tawh bawk.