Jharkhand CM-in chief secretary a ban

Jharkhand Chief Minister Raghubar Das chuan Thawhlehni khan civil leh police officer-te meeting a neihpui a, meeting neih zawh hian Chief Secretary Sajal Chakrabarty a ban a, additional chief secretary post-ah a dah thla.

Meeting-ah hian CM leh Chakrabarty-te hi an ngaihdan in an loh avangin an inhnial a, meeting zawhah Chief Secretary post hi hlihsak a ni ta nghal nia sawi a ni.

Official ṭhenkhat chuan IGP mawhphurhna tur siam chungchangah CM leh Chakrabarty-te hi an inhnial niin an sawi, chief secretary hian thinrimin a mike chu dawhkanah a paihthla a, hemi hnu hian CM chuan hall chhuahsan turin a hrilh a ni.

Das hian Chakrabarty thlak turin central deputa­tion-a awm mek, Rajiv Gowa a ruat nghal. Chakrabarty hi nikum October thlaa chief secretary-a hlan­kai a nih hmain civil aviation department-ah additional chief secretary-in a awm.

Chakrabarty hi a post chelh lai hlihsak a nih ṭum hnihna a ni a, kum 2014 August thla khan khatih laia Chief Minister Hemant Soren chuan sorkar a sawisel avangin interim chief secretary a nihna a lo hlihsak tawh bawk.