February 28-ah Union Budget pharh dawn

Finance Minister Arun Jaitley chuan Febuary 28 hian Union Budget 2015 a pharh dawn.

Parliament budget session hi February 23-ah ṭan a ni dawn a, session thawh khatna hian March 20 thleng a awh ang. Hemi hnu hian thla khat chawlin, a thawh hnihna, April 20 aṭanga May 8 chhungin neih a ni leh ang.

Ruahman lawk ang chuan General Budget hi February 28-ah pharh a ni ang a, February 27-ah Economic Survey leh February 26-ah Railway Budget-te pharh a ni bawk ang.

Kum danga tih ngai loh angin kumina Budget pharh ni tur hi Inrinni a ni a, expert-te chuan hei hi budget pharhin stock market a thlak danglam vak tur venna atana uluk taka thlan nia an ngaih thu an sawi.

Tun ṭum budget pharh tur hi sorkar thar, BJP kaihhruai NDA sorkarin full-year Budget a pharh vawi khatna tur a ni a, budget tharah hian Prime Minister Narendra Modi-a'n 'Make in India' plan a siama, plan innghahna tur pawh duan nghal rin a ni.

Session ṭan ni hian President Pranab Mukherjee chuan joint sitting hmaah Motion of Thanks a sawi ang a, President thusawi hi February 24 leh 25 hian House-ah sawihoin, pass a ni ang. Ni hnih chhunga pass hman a nih loh chuan a hnuah ngaihtuah ṭhat leh a ni ang.