RSS firfiak pawla puang tura ngenna US court-ah thehlut
Sikh rights group chuan New York-a federal court-ah petition thehlutin, RSS chu firfiak pawla puang turin an ngen.
New York Southern District federal court chuan petition thehluh chungchangah hian US Secretary of State John Kerry chu ni 60 chhung ngeia chhanna pe turin a hriattir nghal bawk.
Sikhs for Justice (SFJ) chuan an petition thehluhah hian RSS chu rorellai sorkar hnuaia peng pakhat leh thunei tak, Hindu rama India leh tuma nasa taka campaign mek a ni, a ti. RSS chuan tun hnaiah Kristian leh Muslim-te Hindu-a a inleh luihtirna, 'Home Coming' campaign a neih avangin an chanchin pawh a thang nasa hle a ni, a ti bawk.
RSS chuan sakhaw tlem zawkte a bitum fo nia sawiin, Bahri Masjid tihchhiahnaah te, Golden Temple-a army operation neihnaah te, kum 2008-a Kristian biak-in hal leh hmeichhe pawngsualnaah te, kum 2002-a Gujarat-a intualvuakna rapthlak tak thlengahte an inhnamhnawih vek, tiin petition-ah hian an tarlang.