Ara civil court chhunga bomb puakah mi 3 thi

Bihar, Ara district-a civil court chhungah nimin khan bomb a puak a, mi 3 an thi a, mi eng emaw zatin hliam an tuar.

Mita hmutute chuan court chhungah hian nu­tling pakhat chu a purse chhunga crude bomb dahin a lut a, constable-te'n thu an zawh laiin a bomb pai hi a tipuak ta a ni, a ti. Bomb tipuaktu bakah a bula awm mi pahnih an thi bawk.

Bomb pai luttu hmeichhia hi tunge a ni tih hriatchian a la ni lo a, magistrate hnena hruai tur, tang pakhat hmuh tuma kal nia hriat a ni. Bomb puahna hmunah hian mobile phone pakhat hmuh a ni a, hei hi zirchian atan police te'n an la nghal.

Bomb puah hnu hian civil court aṭanga chhuahna kawngte chu khar vek a ni a, compound chhung pawh uluk taka dap nghal a ni. An buai lai chuhin tang pahnih chu an lo tlanchhuak hman.