Sonia-in Hruaitu atan midang zawng turin ngen

Congress party thuneitu sang, Congress Working Committee meeting chu nimin khan video conference hmanga neih a ni. 

Party hruaitu 20 chuang­in Congress presideng nghet ni tura Sonia Gandhi hnena ngenna an thehluh hnuah, nimin khan Sonia Gandhi chuan party hruaitu nihna aṭanga chawlh a duh thu leh, president tur chu midang zawng turin a ngen.

Rahul Gandhi chuan an party dinhmun a ṭhat loh lai leh, Madhya Pradeh leh Rajasthan-ah party chhung buaina an tawn chhoh lai te, Sonia Gandhi hriselna dinhmun a ṭhat loh laia hetianga ngenna an lo siam hi a sawisel a, prime minister Manmohan Singh leh union minister hlui AK Antony-te pawhin ngenna siamtute hian sawisel bawk.  

Manmohan Sing chuan Sonia Gandhi chu All India Congress Committee (AICC) meeting neih hma chu party president lailawk hna chu chelh chhun zawm rih turin a ngen a, hei hi P Chidambaram pawhin a thlawp thu a sawi.