Pakistan sipaite'n ramri-ah silai an hmetpuak leh

26th January, 2015

Republic Day lawmna hmanpui tura US President Barack Obama a rawn thlen hma lawkin Jammu and Kashmir-a, Jammu district International Border-ah Pakistan Rangers-te'n India lam hawiin silai an hmetpuak.

Pakistan Rangers-te hian January 24 leh 25 zan khan Jammu district-a RS Pura border belt-a Jogwan border out post an bei a, ramri vengtu BSF-te'n chhang let nghalin hun rei vak lo chu ram pahnih sipaite hi an inkap a ni. He inkahna thleng vang hian thi leh hliam erawh an awm lo nia hriat a ni.

January 22 khan Pakistan Rangers leh BSF-te hi Samba district-a International Border-ah an lo inkap tawh bawk.