Ramdev leh Ravi Shankar-te'n Padma award an hnar

Civil mite hnena chawimawina pek ṭhin, Padma award dawngtu tur chu puanchhuah a nih hmain, he chawimawina dawng tura sorkar­in a rawt zinga mi, yoga guru Baba Ramdev leh sakhaw hotu Sri Sri Ravi Shankar chuan chawimawina an an hnar thu an sawi.

Padma Vihbusan dawng tura rawt a nih chu media lama puanzar a ni nih hnuah, Ramdev chuan Union Home Minister Rajnath Singh hnenah lehkha thawnin, midang thlang zawk tura a duh thu a hrilh. Ramdev chuan sakhaw lama inthununna tura thawktu a nih avangin chawimawina lam chi chu pumpelh hram a tum thu a sawi. Ramdev chuan ram tana thawh chu a thil tum a ni a, a hnathawh avanga chawimawina dawn chu a thei lo tih a sawi. Hemi rual hian chawimawina dawng tura rawt a ni chu lawmawm a tih thu a sawi bawk.

Ravi Shankar pawhin a twitter-ah hemi chungchang hi tarlangin, sorkarin chawimawina dawng tur zinga a rawt chu lawmawm a tih rualin, midang hnena pe zawk tura a duh thu a sawi.

Kumina Padma award dawng tura sorkarin a rawtte hi BJP mi leh sa bakah sangh parivar kaihhnawih mi vek nia sawi a ni. Rawt zingah hian lemchan thiam Amitabh Bachchan leh Dilip Kumar-te pawh an tel.