Delhi Assembly: Nomination paper 693 pawm

February 7-a Delhi Assembly inthlan neih tura chuh tuma hming thehlut zinga 693 chu pawm an ni.

Assembly seat 70 awmna, Delhi Assemly inthlana chuh tuma nomination paper thehluh zinga 230 chu enfiah a nih hnuah hnawl a ni. Nomination paper luh tamna ber bial chu Burari Assemby seat niin, candidate 18 an awm a, a tlemna ber bial Ambedkar Nagar constituency-ah candidate pali an awm.

Hetihlai hian Delhi Chief Minister hlui leh AAP hotu, Arvind Kejriwal-a chuan eptute thamna sum pek la tura voter-te a hrilh chungchanga insawifiah tura Election Commission-in a hriattirna chu chhangin, a thusawi chu vote zawnna atana dik lo taka thiltitute dan a tumna a ni, a ti.

EC hriattirna hi Inrinni khan chhangin, Kejriwal chuan, thamna la tura a hrilh chungchang chu sawi nawn tawh loh a tiam bawk.

January 18-a Utam Nagar public rally-a thu a sawi ṭumin, Kejriwal hian voter-te chu Congress leh BJP-te'n vote zawnna atana sum pek an tum a nih pawhin an thamna sumte chu laksak a, inthlan­ah erawh AAP vote turin a ngen a ni. "Thamna sum pek an tumte chu mipuite hnen aṭanga an ruksak tho a ni," a ti.