Tamil chanchinbu-in 'Charlie Hedbo' style anga beih vauna a tawk

Tamil newspaper, Dinamalar chuan tun hnaia Islam firfiakte'n French magazine, Charlie Hebdo an beih anga beih ve tura vauna a tawk.

Senior police official chuan, beih tuma vauna thu hi newspaper office aṭanga hriattir an nih thu leh, an chhui chian nghal thu a sawi.

Dinamalar-in vauna lehkha a dawn hi English-a ziah a ni a, lehkhaah hian 'Yesterday- Paris Charlie Hedbo.Tomorrow- Dinamlar' tiin a inziak a, a lehkhaah hian India map pawh a lang tel.

Vauna lehkha thawntu hi 'The Base Moment' inti a ni a, an hmunpui chu "3/10, Ukkadam, Kovai, Tamil Nadu, India." tiin an ziak lang bawk.

Official-te chuan lehkha dawn hi misual ṭhenkhatin an lo thawn mai mai nge tih te, helpawl intite hi an awm ngei em tihte an chhui mek tih a sawi.