India-in Obama rawn zin a hlawkpui
Republic Day lawmna hmanpuia rawn zin, US President Barack Obama chuan lawm a hlawh hle a, India chuan kawng hrang hrangin Obama rawn zin hi a hlawkpui dawn a ni.
President Obama hi ni thum a cham hnuah Thawhlehni khan Saudi Arabia lam a pan a, a cham chhunga Prime Minister Narenda Modi nena an inkawmnaah ram pahnihte thawhdunna tur kawng hrang hrang an duang.
India-in President Obama rawn zin a hlawkpuina ṭhenkhatte chu-
* Hun rei tak inremna tluantling siam thei loa tihkhawtlai tawh, India leh US-in civil nuclear deal an lo siam chu sawifel a ni a, hemi hmang hian America company-te chuan India nuclear power sector-ah investment an ti thei tawh ang.
* Obama chuan Exim Bank leh OPIC kaltlangin India rama trade/investment tihlenna turin dollar tluklehdingawn 4 hmanga hmalakna thar siam a ni dawn tih a sawi.
* Dollar tluklehdingawn 4 hmanga inremnaah hian renewable energy investment atan dollar tluklehdingawn 2 leh small medium business loan atan dollar tluklehdingawn 1 telh a ni.
* US Exim Bank chuan kum hnih chhungin India rama 'Made in America' thawnluhna tura mamawh sumte a tum ang.
* Totalisation Agreement & bilateral investment treaty atan inbiakna neih ṭan a ni a, PM chuan hemi hmang hian project lian tham tak tak siam tura hmalak a tum.
* Firfiaka chete beihletna kawngah ram pahnihte'n thawhdunna ṭha leh zau zawk neih an tiam.