July 21-ah all-party meeting nei dawn

Sorkar laipui chuan Parliament Monsoon session ṭan hma, July 21-ah all-party meeting a ko. Parliament session hi July 22-ah ṭan a ni ang.

All party meeting neih tur hi Leader of Opposition leh Congress MP Rahul Gandhi-a'n party hrang hranga floor leader-ten session eve-meeting an neihah a telna hmasa ber tur a ni.

Trinamool Congress chuan July 21 hi an party-in Martyrs Day-a an hman a nih vangin, meeting-ah hian party aiawh an tir thei dawn lo tih an sawi. July 21 hi kum 1993-a West Bengal-a CPI (M) kaihhruai Left Front a sorkar laiin police-te state secretariat, Writers Buildings pana kawngzawh, Congress supporter mi 13 a kahhlum ni a ni. Kum 1998-a Trinamool Congress din a nih hnuah, Mamata Banerjee chuan kumtin he mi ni hian rally a huaihawt ta ziah a ni.

Parliament Monsoon Session hi July 22-ah ṭanin, August 12 thleng a awh dawn a, July 23-ah budget pharh a ni ang.