Foreign Secretary thar atan Jaishankar

Prime Minister Narendra Modi-a kaihhruai, Appointments Committee of the Cabinet(ACC) chuan US-a India ambassador ṭanglai, S Jaishankar chu Foreign Secretary thar atan a ruat.

1977 batch IFS officer, Jaishankar hian nimin khan a hna thar hi a zawm nghal a, kum hnih chhung a chelh ang.

Nikuma US-a ambassador atana ruat a nih hma khan Jaishankar hi China-ah ambassador hna a lo thawk tawh bawk. Nikuma PM Modi-a'n US a tlawhna atan khan Jaishankra hi a ṭang­kai hle a, hei bakah hian Indo-US nuclear deal chungchanga in­biakna neihah pawh Indian team member pawimawh tak a ni.

Kum 2013 aṭanga Foreign Secretary hna chelhtu, Sujatha Singh chu thla riat hun a la nei chungin Nilaini zan khan ban a ni a, a thlaktu tur hi ruat nghal a ni. Sorkar chuan Sujatha Singh hi hna dang a pe lo.