Sushma Swaraj-in China a tlawh dawn

External Affairs Minister Sushma Swaraj-i chuan Inrinni hian ni thum cham turin China a tlawh dawn.

Tun ṭum hi Prime Minister Narendra Modi-a kaihhruai sorkar hnuaia senior minister-in China a tlawhna hmasa ber tur a ni a, Swaraj-i agenda zingah hian ramri buaina rang zawka chinfel a nih theih dan tur te, insumdawn tawnna rual­khai zawka kalpui dan leh, India rama China company-te'n investment an tih theih dan tur ruahmante a tel.

China rama a cham chhungin Swaraj-i hian 2nd India-China High level Media forum leh, India rama Chinese khualzin tam zawk hipluhna tura program duan, Visit India Year a hawng ang.

China President Xi Jinping chuan kum 2015 hi Visit India year atan a lo puang tawh a, kum 2016 hi Visit China Year atan a puang nghal bawk. He program hi ram pahnihte'n khualzin tam zawk an inhiptawn theihna tura duan a ni.