Saradha Scam: CBI office-ah Mukul Roy thu zawtfiah

Trinamool Cong­ress General Secretary Mukul Roy chu nimin khan Kolkata-a Central Bureau of Investigation (CBI) office-ah a inlan.

Saradha group-in an company-a investor te sum tam tham tak a tihchingpen kaihhnawihah CBI hian Mukul Roy hi a ko a ni. Railway Minister hlui, Roy hi CGO complex aṭangin CBI office-ah a kal a, security leh media lam te'n an bawr nasa hle.

TMC hruaitu chuan, "CBI hian thu zawhfiahnaa inlan turin min ko a, an thil chhuina kawnga ka puih theihna a ni a, ka inlan ta a ni," a ti.

January 12 khan Rajya Sabha MP hi CBI chuan inlan turin a lo ko tawh a, mahse hetihlai hian New Delhi-ah a awm a ni. January 14 khan Kolkata-ah kirin, agency hnenah by-election neih tur atana a buai avangin ni 15 chhung hun pawhsei sak turin a dil leh a ni.

January 15 khan Delhi a pan leh a, a hnuah CBI hian January 28, 29 leh 30 chhungin a hman veleh inlan turin a hrilh leh a ni.