Lucknow-ah Speakers' meet neih a ni

Ni li awh tur presiding officer, speaker leh legislative assembly secretary meeting chu nimin khan Lucknow-ah ṭan a ni.

Convention hi Lok Sabha Speaker Sumitra Mahajan-in a kaihruai a, ramchhung state hrang hranga speaker-te an tel. Uttar Pradesh sorkar chuan meeting-a tel turte hi lo dawngsawngin, venhimna te pawh a pe nghal.

Inspector General (Law and Order) A Satish Ganesh chuan palai zawng zawngte chu police escort pek vek an nih bakah, a ṭul dan a zir­in venhimna dang pawh pek an nih tur thu a sawi. Palai-te thlenna atan hian khawpui chhunga luxury hotel leh guest house-te pek an ni a, an vahvelna kawngah pawh palaite leh mipui nawlpuite te'n harsatna an neih lohna atan traffic plan pawh siam vek a ni.

Convention hi legislative assembly secretary meeting-a ṭan a ni a, hetah hian Lok Sabha leh Rajya Sabha-a secretary te pawh an tel. Vawiin meeting-ah Lok Sabha Speaker Sumitra Mahajan leh UP Chief Minister Akhilesh Yadav-a'n thu an sawi ang. February 1 leh 2 hian sawihona hun hman a ni ang.