Bangladesh-a zin lo turin mipuite chah

Bangladesh-a zirlaite leh police-te inkara buaina chhuak vangin Dhaka-a Indian High Commission chuan India mite chu a ṭul tawp a nih loh chuan Bangladesh rama zin lo turin a chah. Bangladesh-a India mi awm mekte pawh pawn chhuak tam lo turin a chah bawk.

Bangladesh sorkar chuan kum 1971-a zalenna a sual laia an ram tana beitu sipai chhungte tan sorkar hna 30% a hauhsakna tur a siam a, hei hi duh lohin ramchhunga university zirlaite chuan nawrh an huaihawt a, reservation siam hi tihtawp an phut a ni. Zirlaite leh police-te innawrbuainaah mi paruk an thi tawh a ni. Buaina a la chhuah chhunzawm reng vang Bangladesh sorkar chuan an rama public leh private university-te chu khar vek turin thupek a ti chhuak a ni.

Dhaka-a High Commission of India bakah Chittagong, Syhlet leh Khulna-a Indian Assistant High Commission-te chuan buaina chhuak vanga harsatna tawk, India mi awmte leh zirlaite tan 25 hour emergency contact number an siam nghal bawk.