Facebook in BJP MLA a 'ban'

Social media giant, Facebook chuan Telangana state-a Bharatiya Janata Party (BJP) MLA T Raja chu inhuatna chawk chhuak thei hawi zawng a comment avangin a 'ban' a, a account a tihtawpsak. 

Facebook thupuangtu chuan BJP hruaitu hian inhuatna leh tharum thawhna thlen thei zawnga thil post khapna policy an siam chu a bawhchhia niin a sawi a, hei vang hian Facebook hmang thei loa hrem a ni, a ti. 

BJP MLA T Raja hi Facebook chuan "Dangerous individuals and organisations policy" list-ah dahin, an platform hi a hman chhunzawm an phalsak lo tih an sawi. Facebook hnuaia mi, video sharing application Instagram pawh a hman khapsak zui niin, company chuan a hminga Page, Group leh account siamte chu a titawp vek dawn a ni.