PM Modi personal website hack sak

Twitter chuan nimin khan India prime minister Narendra Modi-a personal website nena in zawm page pakhat, 'narendramodi_in' aṭangin tweet siam a nih thu sawiin, he thil hi hack a nih thu a tarlang bawk.

PM Modi-a personal website leh Narendra Modi mobile app nena inzawm page-ah hian cryptocurrency kaltlangin Covid-19 dona tur atan PM National Relief Fund-ah donation pe turin follower-te ngenna thu a inziak a a, crypto­currency chu India-in a hman ṭan thu tweet a ni bawk.

Hemi chungchangah hian Twitter lam chuan 'narendramodi_in' hi hack ngei a nih thu an tarlang a, Modi account chu him taka siamsak a nih tur thu an tarlang zui bawk. narendramodi_in-ah hian PM Modi hian follower maktaduai 2.5 a nei mek a, nimin thleng kha chuan mi a follow hi 968 an awm.

Hack tute hi tute nge an nih tih Twitter lam hian an la hrechiang bik lo a, July thla aṭang tawh khan hacker-te chuan khawvel hmun hrang hranga mi social media account pawimawhte chu an lo hack sak nual tawh bawk a ni. 

Modi hian Twitter-ah Narendra Modi tih account a nei a, follower hi mtd 61.8 a nei mek a, mi a follow hi 2,349 an ni.