US-a India ambassador atan Vinay Mohan ruat

Ministry of External Affairs chuan United States of America-a India ambassador atan Vinay Mohan Kwatra ruat a nih thu nimin khan a puang. A hna hi a zawm thuai rin a ni bawk.

Kwatra hi Indian Foreign Services 1988 batch officer niin, April 2022 khan Foreign Secretary atan ruat a ni a, kumin April 30 kha a chawlh hun tur ni mah se October thla thleng atan pawhsei sak a ni. He hna a thawh hma hian Nepal leh France-ah India palaiin a lo awm tawh bawk. Prime Minister Office (PMO)-ah October 2015 - August 2017 chhung khan Joint Secretary hna a lo chelh tawh bawk a ni.