Sorkar laipuiin flagship jobs program Khawpui tenauah pawh kalpui a tum

Sorkar laipui chuan flagship jobs program chu thingthlang khaw lama kalpui a nih mai bakah khawpui tenau lamah pawh kalpui a tum bawk tih a sawi. 

He jobs program-a hnathawk tura thlan ten an hna thawh ṭhinah hian tuikhur laih hna te, kawng siam hna te, ram ngaw humhalhna tur hna thawh leh thil dangte a tel. 

Covid-19 hri leng vangin he flagship jobs program hi thingtlang mite tan chauh ni tawh loin khawpui tenaua mite tan pawh hman ṭangkai tum a ni a, he mi atana sum ruahman hi cheng vaibelchhe 350 a ni. 

Hripui leng vang hian hmun dang danga inhlawhfaa awm te chu an haw a ngaih avangin an hna an chan phah a, hei vang hian sorkar chuan hna chante tana he flagship jobs program hi hman ṭangkai a nih theihna turin ruahhmanna siam a tum ta a ni.

Ministry of housing and urban affairs joint secretary, Sanjay Kumar chuan he flagship jobs program hi khawpui miten an hlawkpui ve theih nan sorkar chuan nikum lam khan a ngaihtuah tawh thu a sawi a, hri leng hian he flagship hi ngai pawimawh zual turin sorkar chu a nawr a ni, a ti. 

April thla khan mi maktaduai 121 chuangin an hna an chan a, Centre for Monitoring Indian Economy Pvt. tarlan dan chuan hna hmu lo, unemployment rate hi 23% a tling.