2050-ah India-a kum 60 chunglam a letin pung dawn

UNFPA India chief Andrea Wojna chuan kum 2050-ah India ramah kum 60 leh a chung lam awm zat chu tuna awm mek aṭangin a letin an pung dawn a, mtd 347 an tling chho dawn nia chhut a nih thu a sawi.

Andrea Wojna chuan kum upa lam pung chho zel avang hian healthcare, housing leh pension lamah investment tam zawk tih a ṭul hle tih sawiin, kum upa, a bikin hmeichhiate chu mahnia khawsaa rethei taka awm hmabak dinhmunah an awm tam a ni, a ti.

Khawvela mihring dam chen hi a rei zel avangin kum upa lam pawh hi an pung chho zel a, India ramah pawh kum 60 chung lam hi tunah mi mtd 153 vel an awm mek laiin, kum 2050-ah chuan mtd 347 tling chho turin an chhut a ni.

Wojna chuan 2050-ah chuan India ram mipui zahve chu urban area-ah cheng tura chhut a ni bawk tih sawiin, hei vang hian rethei pung zel tur venna leh, air pollution leh environment lama buainate pumpelh theihna turin smart city, infrastructure ṭha leh tlo bakah, man man zawka in luah tur buatsaih chu thil pawimawh tak a ni tih a sawi bawk.