Indian economy 7.6%-ah a ṭhan chhoh beisei a ni

Sorkar kum kal mek chhungin Indian economy chu 7.6%-ah a ṭhang chho dawn niin Thawhṭanni-a World Bank report tih chhuahah tarlan a ni.

India chuan foreign investment - heng civil aviation, damdawi, retail, chaw lam chi leh broad-casting lamah te nasa zawkin hma a la dawn tih sorkar official chuan a tarlang. India hi khawvela economy ṭhang chak berte zinga mi a ni mek a, kum 2014-a Prime Minister Narendra Modi lak luh a nih hnuah khawvel ram dangte nena insumdawn tawnna kawngah nasa zawka hma lak a ni. Official-in a tarlan dan chuan kum 2015-16 chhung khan foreign investment-a India hmasawnna chu 15% a tling phak a, foreign investment-a sum che vel hi tluklehdingawn 55 niin a tarlang.

Commerce and industry minister Nirmala Sitha-raman chuan, India chuan foreign investment-ah nasa takin hma a sawn tih sawiin, thil siam chhuah lamah ṭan lak mek a ni a ti. World Bank report chuan India chu agriculture, private investment leh bungraw thawnchhuah lamah te hma a sawn lutuk lo niin a tarlang.