Dan loa sum la lut MLA pahnih ban an ni

Uttar Pradesh-a eirukna dotu, Lokayukta NK Mehrotra rawtna angin state Governor Ram Naik chuan MLA pahnihte chu dan loa sum la luta puh an nih vangin a ban.

MLA ban takte hi BJP MLA Bajrang Bahadur Singh leh BSP MLA Uma Shankar Singh-te an ni a, an mahni hamṭhatna tura thil tiah puh an ni. An puhna hi Lokayukta NK Mehrotra chuan a chhui a, an nihnate dik lo taka hmangin sum lakluhna hmanrua atan an hmang tih a hmuhchhuah hnuah Governor hnenah Representation of the People Act tlawh chhana hrem turin a phut a ni.

Governor chuan kar kalta Inrinni khan MLA pahnihte hi ban an ni tih a hriatir ta a ni.

MLA pahnihte hian an puhna chu thu dik lo a nih thu leh, court-a khin let an tum thu an sawi.